Նոր ֆինանսական միջոցներն ուղղվելու են վարկերի եւ լիզինգի տրամադրմանը, մասնավորապես, էներգաարդյունավետության բարձրացմանն ուղղված ոլորտներին՝ նպաստելով ՀՀ-ում կանաչ ֆինանսավորմանը եւ համայնքների կայուն զարգացմանը:
Ինկոֆինը միջազգային ֆինանսական կառույց է, որը մասնագիտացած է բնապահպանական եւ սոցիալական զարգացմանն (ESG) աջակցող ներդրումների ոլորտում: Ընկերությունը հիմնականում ֆինանսավորում է բանկերին եւ ֆինանսական հաստատություններին՝ կարեւորելով ֆինանսավորման ազդեցությունը տեղական համայնքներում:
Ֆարմ Կրեդիտ Արմենիան մշտապես ձգտում է բարելավել իր ծառայությունները եւ ընդլայնել ֆինանսավորման հնարավորությունները գյուղական համայնքներում:
Հավատարիմ մնալով իր առաքելությանը՝ Ֆարմ Կրեդիտը աջակցում է Հայաստանի գյուղատնտեսության զարգացմանը եւ ապահովում մատչելի ֆինանսական ծառայությունների հասանելիություն:
Այս նոր համագործակցությունը վկայում է կազմակերպության վստահելիության եւ միջազգային գործընկերների հետ արդյունավետ համագործակցության մասին:
Ֆարմ Կրեդիտն ունի 11 գրասենյակ, գլխամասային գրասենյակը գտնվում է Երեւանում եւ 10 մասնաճյուղ՝ մարզերում: Ֆարմ Կրեդիտի առաքելությունն է բարելավել կյանքի որակը Հայաստանի գյուղերում` մատուցելով կոոպերատիվ սկզբունքների վրա հիմնված մատչելի ֆինանսավարկային ծառայություններ` վարկեր եւ լիզինգ: Ֆարմ Կրեդիտը ներկայում ունի 2,6 մլրդ դրամ սեփական կապիտալ եւ 17,5 մլրդ դրամ ընդհանուր ծավալով ակտիվներ: