Վարկերի տոկոսները հաշվարկվում են վարկի փաստացի մնացորդի նկատմամբ` անվանական տոկոսադրույքով, տարին ընդունելով 365 օր:

Տարեկան փաստացի տոկոսադրույքը ցույց է տալիս, թե որքան կարժենա վարկը Ձեզ համար տոկոսագումարները և այլ վճարները սահմանված ժամկետներում և չափերով կատարելու դեպքում:

Տարեկան փաստացի տոկոսադրույքի հաշվարկման կարգին ծանոթացեք այստեղ:

Վարկի տոկոսի հաշվարկի օրինակ

Օրական տոկոսագումարը = Վարկի գումարի մնացորդ x տարեկան տոկոսադրույք/365

Օրինակ՝

Վարկի գումարի մնացորդ` - 1,000,000 ՀՀ դրամ

Վարկի տարեկան տոկոսադրույք` - 14%

Օրական տոկոսագումարը = 1,000,000 x 14 %/365 = 383.56

Տույժերի չափը - Վարկի վճարումներն ուշացնելու դեպքում հաճախորդը վճարում է ժամկետանց վարկի գումարի, տոկոսագումարի և սպասարկման վճարի (առկայության դեպքում) նկատմամբ հաշվարկված տույժ` յուրաքանչյուր ուշացրած օրվա համար 0.13 % տոկոսադրույքով:

Վաղաժամկետ մարման հնարավորություն - Հաճախորդը կարող է վարկը մարել պայմանագրով սահմանված ժամկետից շուտ: Վարկերի վաղաժամկետ մարման համար տույժ/տուգանք չի կիրառվում:

Կրեդիտավորման ընդհանուր ծախսը համամասնորեն նվազեցվում է: Նվազեցվում են սահմանված միջնորդավճարները, իսկ կրեդիտավորման ընդհանուր ծախսի մեջ ներառվող մյուս վճարները՝ նոտարական վավերացման, պետական գրանցման, գույքի գնահատման և այլ վճարներ,որոնք չեն հանդիսանում "Վարկատուի" եկամուտը, նվազեցման ենթակա չեն:

Վարկի մայր գումարի և հաշվարկված տոկոսագումարների մարումներն իրականացվում են անուիտետային եղանակով, իսկ շրջանառու միջոցների ձեռքբերման համար տրամադրվող վարկի դեպքում՝ նաև ազատ ժամանակացույցով:

Վարկի մարման նպատակով վճարված գումարները մարվում են հետևյալ հերթականությամբ.

1. Տույժեր, տուգանքներ,
2. Ժամկետանց գումարներ,
3. Սպասարկման վճար (առկայության դեպքում),
4. Կուտակված տոկոս,
5. Վարկի մայր գումար:

Վարկի համար այլ վճարներ սահմանված չեն:

-     ՀՀ բանկերից վարկի գումարի կանխիկացման դեպքում հաճախորդից կարող է պահանջվել կանխիկացման վճար՝ գումարի մինչև 0.25%-ի չափով:

-     Հաճախորդի կողմից վարկի գումարի և տոկոսների հետվճարումները այլ բանկերի և վճարահաշվարկային կազմակերպությունների վճարային տերմինալների միջոցով իրականացնելիս կգանձվի միջնորդավճար՝ 100-300 դրամ յուրաքանչյուր գործարքի համար:

Վարկի հայտի հաստատումը – Վարկը տրամադրվում է "Ֆարմ Կրեդիտ Արմենիա" ՈՒՎԿ ԱԿ-ի հետ համագործակցող մատակարար ընկերություններից ապրանքների ձեռք բերման նպատակով տեղում՝ առցանց եղանակով: Վարկի տրամադրման որոշումը կայացվում է ինքնաշխատ համակարգի կողմից՝ հաճախորդի սքոր գնահատականի հիման վրա: Վարկի տրամադրման որոշումը րոպեների ընթացքում հասանելի է դառնում հաճախորդին՝ բջջային հավելվածի միջոցով:

Վարկը տրամադրվում էանկանխիկ եղանակով: Վարկի գումարը փոխանցվում է մատակարարի բանկային հաշվին:

Վարկային հայտը բավարարելու գործոնները

- Հաճախորդի վարկունակության մակարդակի և սքոր գնահատականի համապատասխանություն կազմակերպության պահանջներին

Վարկային հայտը մերժելու գործոնները

- Հաճախորդի վարկունակության և սքոր գնահատականի անբավարար մակարդակ՝ ըստ կազմակերպության պահանջների

Վարկային պատմության էությունը

Վարկ ստանալու համար անհրաժեշտ փաստաթղթեր

- Անձը հաստատող փաստաթուղթ և ՀԾՀ:

Վարկը ձևակերպվում է տեղում՝ մատակարարի գործունեության վայրում: Հաճախորդը վարկային պայմանագիրը ստորագրում է էլեկտրոնային եղանակով՝ բջջային հավելվածի միջոցով:

ՈՒՇԱԴՐՈՒԹՅՈՒՆ՝ Վարկ ստանալու համար դիմելիս վարկատուն Ձեզ, երաշխավոր(ներ)ին (առկայության դեպքում) կտրամադրի սպառողկան վարկի էական պայմանների անհատական թերթիկ, որում կներկայացվեն Ձեզ տրամադրվելիք վարկի անհատական պայմանները:

Պայմանագրի գործողության ընթացքում վարկի քաղվածքները տրամադրվում են էլեկտրոնային փոստի միջոցով՝ երեսնօրյա պարբերականությամբ, եթե հաճախորդը հաղորդակցման այլ տարբերակ չի ընտրում: Վարկի քաղվածքները (այդ թվում՝ կրկնօրինակը) տրամադրվում են անվճար: Տեղեկանքների տրամադրման համար գանձվող վճարների չափերը սահմանված են սակագներով: