Արտագնա սեմինար-քննարկում

2016-11-22

2016թ. նոյեմբերի 17-19 Աղվերանի "Արարատ Ռեզորթ" հյուրանոցային համալիրում տեղի ունեցավ Ֆարմ Կրեդիտ Արմենիա ՈւՎԿ ԱԿ աշխատակազմի համար կազմակերպված եռօրյա սեմինար-քննարկումը:

Սեմինարին մասնակցում էր կազմակերպության ամբողջ աշխատակազմը: Սեմինարի նպատակն էր խմբային քննարկումների միջոցով վեր հանել կազմակերպության գործունեության արդյունավետության բարձրացման ուղիները, իրականացնել տարբեր կրթական ծրագրեր՝ ուղղված աշխատակիցների աշխատանքի արդյունավետության բարձրացմանը:

Միջոցառման հագեցված օրակարգի շրջանակներում Ֆարմ Կրեդիտ Արմենիա ՈւՎԿ-ի Գլխավոր գործադիր տնօրեն/Նախագահ Արմեն Գաբրիելյանը խոսեց ՀՀ գյուղատնտեսության զարգացման համար վարկային կոոպերատիվի դերի և կարևորության մասին: Ներկայացվեցին կազմակերպության զարգացման ռազմավարության հիմնական ուղղությունները:

Սեմինարի շրջանակներում կազմակերպության ղեկավարների կողմից իրականացվեցին մի շարք դասընթացներ, քննարկումներ տարբեր հարցերի շուրջ: Սեմինարին հրավիրված էին նաև փորձագետներ BFC միջազգային խորհրդատվական ընկերությունից, որոնք նույնպես դասընթացներ անցկացրեցին Ֆարմ Կրեդիտի աշխատակիցների համար:

Քննարկվող թեմաների շարքում տեղ էին գտել այնպիսի հարցեր, ինչպիսիք են ՀՀ ֆինանսական շուկայի զարգացման միտումները, տնտեսության առկա վիճակն ու հետագա զարգացումները, ՀՀ գյուղատնտեսության ոլորտում առկա մարտահրավերները: Մեծ ուշադրության էին արժանի մասնաճյուղերի ներկայացումները, որոնք ըստ էության անդրադարձ էին յուրաքանչյուր տարածաշրջանի առանձնահատկություններին, տեղերում առկա խնդիրներին ու մարտահրավերներին:

Միջոցառումն իր մեջ պարունակում էր նաև ազգային ուղղվածությամբ մշակութային տարր: Կազմակերպության կողմից հրավիրված "Կարին" ավանդական երգի-պարի համույթը, որն իր գոյության տարիներին արժանացել է բազմաթիվ պատվոգրերի և դափնեգրերի, Ֆարմ Կրեդիտ Արմենիա ՈւՎԿ-ի աշխատակիցներին ներկայացրեց ավանդական հայկական պարերը, դրանց պատմությունն ու նշանակությունը:

Միջոցառումն անցկացվեց դրական աշխատանքային մթնոլորտում: Ակնկալվում է, որ այն դրական արդյունքներ կունենա կազմակերպության հետագա գործունեության համար:

Վերադառնալ նախորդ էջ

Այլ նորություններ

Ֆարմ Կրեդիտ Արմենիա վարկային կոոպերատիվն անցկացրեց հերթական տարեկան ժողովները

2015-02-10 Հունիսի 5-ից 18-ը ՀՀ յոթ մարզերում (Արմավիր, Արարատ, Կոտայք, Արագածոտն, Վայոց ձոր, Սյունիք,...

Ֆարմ Կրեդիտ Արմենիա վարկային կոոպերատիվը մասնակցեց Ռուսաստանի վարկային միությունների լիգայի 12-րդ ամենամյա ֆորումին

2015-02-10 Ռուսաստանի վարկային միությունների լիգայի հրավերով ս.թ. մայիսի 23-ից 25-ը "Ֆարմ Կրեդիտ Արմենիա"...

Ֆարմ Կրեդիտ Արմենիա ՈւՎԿ ԱԿ-ն մասնակցեց Եվրոպայի կոոպերատիվների միության ամենամյա համաժողովին

2015-02-10 Մայիսի 16-19-ը "Ֆարմ Կրեդիտ Արմենիա" վարկային կոոպերատիվի Գլխավոր գործադիր տնօրեն/նախագահ Արմեն...