Պարտատոմսը բարձր եկամտաբերությամբ ներդրումային գործիք է, որն ապահովում է ներդրողներին տոկոսների վճարումների պարբերական հոսք` արժեկտրոնի տեսքով։
Պարտատոմսերը վաճառելու դեպքում ներդրողը ստանում է կուտակված տոկոսագումարները:
Պարտատոմսեր կարող են ձեռք բերել և՛ իրավաբանական, և՛ ֆիզիկական անձինք։ Պարտատոմսերի տեղաբաշխման աճուրդին անմիջապես կարող են մասնակցել միայն Բորսայի անդամները, այդ իսկ պատճառով պարտատոմսերի ձեռքբերումը իրականացվում է միմիայն Բորսայի անդամների միջոցով։ Անդամների ցանկը հասանելի է «Հայաստանի Ֆոնդային Բորսա» ԲԲԸ պաշտոնական կայքում` www.amx.am:
Շուկա ստեղծողի կողմից ամենօրյա գնանշման նվազագույն ծավալը կազմում է տվյալ դասի պարտատոմսերի ընդհանուր քանակի 1 տոկոսը:
Ցուցակված պարտատոմսերն արդեն ունեն շուկայական գին, որը կարող է տարբերվել տեղաբաշխման գնից. լինել անվանական արժեքից ավելի բարձր կամ ավելի ցածր: Գնանշումները հիմնականում իրականացվում են շուկա ստեղծողի կողմից և կախված են պարտատոմսերի պահանջարկից և առաջարկից:
Համաձայն ՀՀ հարկային օրենսգրքի` ռեզիդենտ և ոչ ռեզիդենտ ֆիզիկական անձանց, ինչպես նաև ոչ ռեզիդենտ իրավաբանական անձանց՝ բորսայում ցուցակված պարտատոմսերից ստացվող տոկոսային եկամուտները ենթակա չեն հարկման:
Ընթացիկ թողարկում
Ֆարմ Կրեդիտ Արմենիա ՈՒՎԿ ԱԿ-ն 2024թ․ մայիսի 2-ին, իրականացնելու է դրամային անվանական արժեկտրոնային պարտատոմսերի թողարկում և տեղաբաշխում:
Որպես պարտատոմսերի տեղաբաշխող հանդես է գալու «Դայմենշն» ՓԲԸ -ն։ Պարտատոմսերի տեղաբաշխումն իրականացվելու է «Հայաստանի ֆոնդային բորսա» ԲԲԸ տեղաբաշխման համակարգով` 5 օրերի ընթացքում։
|
Թողարկվող դրամային պարտատոմսերի էական պայմանները. |
|
|
Դասը |
Անվանական արժեկտրոնային |
|
Անվանական արժեքը |
100,000 ՀՀ դրամ |
|
Ընդհանուր ծավալը |
1,200,000,000 ՀՀ դրամ |
|
Շրջանառության ժամկետը |
30 ամիս |
|
Արժեկտրոնային տոկոսադրույքը |
12.25% |
|
Արժեկտրոնների վճարման պարբերականությունը |
Եռամսյակային |
|
Տեղաբաշխող |
«Դայմենշն» ՓԲԸ |
Ծրագրային ազդագրին և թողարկման վերջնական պայմաններին կարող եք ծանոթանալ հետևյալ հղումներով.
Պարտատոմսերի թողարկման ծրագրային ազդագիր
Դրամային պարտատոմսերի թողարկման վերջնական պայմանները
Հարցերի դեպքում կարող եք կապ հաստատել հետևյալ հեռախոսահամարով՝ 010 (550831, 1004)
(Ֆարմ Կրեդիտ Արմենիա ՈՒՎԿ ԱԿ Ֆինանսական տնօրեն՝ Անի Սարգսյան)։