Ֆարմ Կրեդիտ Արմենիա վարկային կոոպերատիվի գլխավոր գործադիր տնօրենը մասնակցեց 2012թ. Կոոպերատիվների Միջազգային Գագաթաժողովին

2012-10-25

Հոկտեմբերի 6-11 ՖԿԱ գլխավոր գործադիր տնօրեն Արմեն Գաբրիելյանը մասնակցեց Կանադայի Քվեբեք քաղաքում կայացած 2012թ. Կոոպերատիվների Միջազգային Գագաթաժողովին՝ Կոոպերատիվների զարմանալի ուժը խորագրով:
Աշխարհում գոյություն ունեցող շուրջ 750,000 կոոպերատիվներ աշխատանքով են ապահովում 100 մլն. մարդ: Այս պատճառով կոոպերատիվների աշխարհի ղեկավարների համար անհրաժեշտ է քննարկել նրանց ներկա և ապագա բիզնես մարտահրավերները և կայուն զարգացմանն ուղղված առաջնային քայլերը:
Շուրջ 130 միջազգային խոսնակներ , որոնց թվում էին՝ տնտեսագետներ, ֆինանսիստներ, տնօրեններ, նախարարներ և հետազոտողներ, ներկայացրեցին կոոպերատիվների  ներկա և ապագա մարտահրավերների իրենց տեսլականը:
Գագաթաժողովի շրջանակներում պարոն Գաբրիելյանը հանդիպումներ ունեցավ մի շարք կոոպերատիվների ղեկավարների հետ, մասնավորապես՝ Planet Finance-ի նախագահ Ժակ Ատտալիի, Desjardins Group-ի նախագահ Մոնիկ Լեռուի, Développement International Desjardins-ի նախագահ Անն Գաբուրիի, Լիտվական Կենտրոնական Վարկային Միության նախագահ Ֆորտունաս Դիրգինցիուսի և այլի հետ: Պարոն Գաբրիելյանը մասնակցեց նաև մի շարք թեմատիկ քննարկումներին, գիտաժողովներին, ֆորումներին և այլն:
Գագաթաժողովը հնարավորություն ընձեռեց մասնակիցներին ծանոթանալու մի շարք խոշոր միջազգային զարգացման ուղղություններին և որդեգրելու համաշխարհային կոոպերատիվ շարժման ընդհանուր տեսլական:
Այսպիսով, գագաթաժողովի շնորհիվ ամրապնդվեց կոոպերատիվների ցանցը ողջ աշխարհում՝ ստեղծելով իրական ազդեցության ոլորտ բոլոր տնտեսական և քաղաքական ասպարեզներում:

Վերադառնալ նախորդ էջ

Այլ նորություններ

2018 թվականը հայտարարվել է "Ռայֆայզենի տարի"

2015-02-10 2018 թվականին լրանում է "Կոոպերատիվ գաղափարի և կոոպերատիվ բանկային մշակույթի հիմնադիր գերմանացի...

Արտաքին աուդիտ իրականացնող անկախ աուդիտորական կազմակերպության ընտրության համար իրականացվող հրապարակային մրցույթի ծանուցում

2015-02-10 "Ֆարմ Կրեդիտ Արմենիա" ՈՒՎԿ ԱԿ հայտարարում է արտաքին աուդիտ իրականացնող անկախ աուդիտորական...

Ֆարմ Կրեդիտ Արմենիա վարկային կոոպերատիվն անցկացրեց հերթական տարեկան ամփոփիչ հանդիպումը

2015-02-10 "Ֆարմ Կրեդիտ Արմենիա" վարկային կոոպերատիվն անցկացրեց արդեն ավանդույթ դարձած տարեկան ամփոփիչ...