Մեկնարկում է "Խելամիտ վարկավորում" արշավը

2016-10-01

Հոկտեմբերի 1 - ից "Ֆարմ Կրեդիտ Արմենիա" ՈՒՎԿ Առևտրային Կոոպերատիվը հայտարարում է արդեն ավանդույթ դարձած "Խելամիտ վարկավորում" 3-րդ ամենամյա արշավի մեկնարկը՝ մեկամսյա կրթական – խորհրդատվական արշավ, որի թիրախ են հանդիսանում "՛Ֆարմ Կրեդիտ" Կոոպերատիվի անդամ-փայատերերը և պոտենցիալ հաճախորդները: Արշավն իրականացվում է Միկրոֆինանսավորման կենտրոնի (ՄՖԿ) հովանու ներքո և խթանում է միջազգային չափանիշների համապատասխան հաճախորդների իրավունքների և շահերի պաշտպանությունը և ֆինանսական կրթվածությունը:
Այս տարի Խելամիտ վարկավորում արշավն անց է կացվում Եվրոպայի և Կենտրոնական Ասիայի 15 երկրներում և նպատակ ունի բարձրացնել հաճախորդների ֆինանսական գրագիտությունը, գիտելիքներն ու հմտությունները: Խելամիտ վարկավորում արշավն ընդգրկում է պարզ հարցերի մի խումբ, որոնցից յուրաքանչյուրը հաճախորդը պետք է ուղղի ինքն իրեն վարկ վերցնելիս՝ համոզվելու համար, որ իր պարտքը անվտանգ և խելամիտ մակարդակի վրա է:
Խելամիտ վարկավորում արշավին առավել շատ մասնակիցներ ներգրավվելու և արշավի հիմնական հաղորդագրությունները տարածելու նպատակով տպագրվել և տարածվել են պաստառներ, թռուցիկներ, իսկ կազմակերպության հաճախորդներին՝ նաև ուղարկվել են SMS հաղորդագրություններ:
Խելամիտ վարկավորում արշավի ընթացքում նախատեսվում են մի շարք հանդիպումներ հաճախորդների հետ ինչպես "Ֆարմ Կրեդիտ Արմենիա" ՈՒՎԿ ԱԿ մասնաճյուղերում, այնպես էլ հանրապետության տարբեր գյուղական համայնքներում: Հանդիպումների ընթացքում կազմակերպության աշխատակիցները մասնակիցներին կծանոթացնեն խելամիտ վարկավորում արշավի տարաբնույթ տեղեկատվական նյութերին, կպատասխանեն մասնակիցների հարցերին:
"Ֆարմ Կրեդիտ Արմենիա" ՈՒՎԿ Առևտրային Կոոպերատիվը, կարևորելով իր հաճախորդների ֆինանսական գրագիտությունն ու տեղեկացվածությունը, հետևողականորեն շարունակելու է նմանատիպ միջոցառումների իրականացումը:

Վերադառնալ նախորդ էջ

Այլ նորություններ

2018 թվականը հայտարարվել է "Ռայֆայզենի տարի"

2015-02-10 2018 թվականին լրանում է "Կոոպերատիվ գաղափարի և կոոպերատիվ բանկային մշակույթի հիմնադիր գերմանացի...

Արտաքին աուդիտ իրականացնող անկախ աուդիտորական կազմակերպության ընտրության համար իրականացվող հրապարակային մրցույթի ծանուցում

2015-02-10 "Ֆարմ Կրեդիտ Արմենիա" ՈՒՎԿ ԱԿ հայտարարում է արտաքին աուդիտ իրականացնող անկախ աուդիտորական...

Ֆարմ Կրեդիտ Արմենիա վարկային կոոպերատիվն անցկացրեց հերթական տարեկան ամփոփիչ հանդիպումը

2015-02-10 "Ֆարմ Կրեդիտ Արմենիա" վարկային կոոպերատիվն անցկացրեց արդեն ավանդույթ դարձած տարեկան ամփոփիչ...